Templates by BIGtheme NET

Anding-andingen

Tarum Ngayak-ngayak Page Erdangen Itadingken Page Buron, Piahna Sada pe Lanai Rani

Tarum ngayak-ngayak page erdangen itadingken page buron, piahna sada pe lanai rani Ertina Ikataken man sekalak jelma si merangap tapi kurangsa ukur entah pe motu. atena ngayaki erta si terbuen, lawes ia nuan page ibas ingan sideban tapi alu la iarapna kepeken nggo itadingkenna page si nandangi banci iperani, jadina page si enggo nandangi rani ndai keri pangani perik. bage ...

Read More »

Bagi Aringgene Beru-beru, La Neren

Bagi aringgene beru-beru, la neren. Ertina landingken kujelma si la perpang. sitik pe kalak la mehangke. Biasa ikataken man anak-perana, si la ibiari singuda-nguda sabap ngkuit pe la pang. Si des : Bagi bereng-bereng bunga. Bagi mbako Teran. Masri Singarimbun, 1960

Read More »

Bagi Arimo Tuatua

Bagi Arimo Tuatua Ertina Arimo tua-tua, janahna erdalan pe lit nge rusur sorana bagi sora kalak jungut-jungut. Ikataken kujelma si mejungut, cnggo me ia sinik nuate. Jungut-jungut denga kang.   Si des : Bagi arimo mangan/man dawan.” Bagi tuatua Naman. Bagi tuatua rumah perwaluhen.”   Masri Singarimbun, 1960    

Read More »

Bagina arimo natap tabe

Bagina arimo natap tabe. Ertina Ningkalak, adi arimo ercurmin bas lau, megah akapna ngenehen rupana, seh lupa ndarami nakan. Ikuanken man jelma si labo entabeh babanna nggeluh, tapi la atena erdahin. Perbahan jore akapna bana. Masri Singarimbun, 1960

Read More »

Bas lau nari gara api

Bas lau nari gara api. ertina Si aturenna pedaméken reh pegebuken. maba pecah perang. Umpama bas ranan. Idilo anak beru pejoresa. Kerehenna la pekenaken, tapi pegebuken, seh ranan e rontang. Masri Singarimbun, 1960

Read More »

Bagi angguk-angguk pudi terang, iluh mambur ia lit si ngapul

Bagi angguk-angguk pudi terang, iluh mambur ia lit si ngapul. Ertina Kalak si ngandung tangis nandangi terang wari, nupung kepaten. nggit me la nai kenan apulen. Si aturna ngapul enggo munduk-unduk entah tunduh. Isumpamaken ku jelma si kedabuhen sinanggel, tapi la lit sinami-namisa.   Si des : Bagi seluk kisada, la lit si nulbasisa.   Masri Singarimbun, 1960

Read More »